top of page

車漆保護膜PPF 行內解密

近年車漆保護膜 Paint Protection Film (PPF) 在香港漸漸成為新車車主的必做item。無論一班車友相聚一堂或一眾網友於討論區高談闊論,談到PPF 總會意見不一。有人讚不絕口, 自豪地談及保護膜多少次幫佢地部二奶(愛車)擋災擋難,如何幫部二奶遮風擋石。亦有人會面有難色,話保護膜變黃,浪費金錢,摵膜會摵甩車漆。為何會有如此極端的評價?我們就為您解密。

保護膜會變黃變硬?幾年後摵唔甩?

此說法仍停留於數十年前。第一代的PPF是用PVC物料生產,經過數十年的產品發展,到現代的PPF 由是TPU物料生產。 PVC物料的特性便是隨時間會變黃變硬,經過曝曬後,更會分解出有毒氣體,當膜變硬變脆後,要摵膜嘅時候就會變得好似一塊塊細小的雞蛋殼一樣,非常難移除,所以會有搣唔甩嘅說法。

而TPU物料生產的PPF抗氧化能力良好, 抗衝擊性及減震性能突出,一般高品質的品牌會於PPF產品上加入抗UV配方,可令產品保持很長一段時間唔變黃,甚至永久不變黃。

所以如果有車主話保護膜幾年後搣唔甩,一般原因是他是用了初代的PVC保護膜或對產品的認知仍停留於90年代。

“翻噴油仲平過貼膜,仲駛乜貼膜?”

以刮花一個頭Bumper 為例,一般有質素的翻噴工序都需時3 - 4日左右。當中包括拆件,噴漆,烘焗等等。當說到這裡,一般又會有車友出來講,半日噴完交車都有啦,$1000埋單搞掂。說得明白一些,模型噴油都冇咁快,這種比較我們就不作討論了。

同樣情況, 輕微刮花一個貼了PPF的頭Bumper, 一般換膜只需半日,工序就只有搣膜及重貼。價錢與一個有質素而要花4日工序嘅翻噴job 比較,相信一般換膜都會比翻噴漆便宜。

另一個睇法就以手機屏幕保護貼為例。現在智能手機越賣越貴,大部份人買新電話第一件事便是貼Mon貼,因為爆屏幕就要入廠維修,心裡知道不再是原廠新機的質素,維修後亦有可能會失去防水功能,心裡始終難免有些不甘。 您部愛車亦一樣,翻噴後就不再是原裝車漆的質量。有些車主認為車漆質量不重要,外觀亦不重要,因為可能三年後就換車了,但您可曾諗過這正正是影響賣車時價值的重要因素?

搣膜時會將車漆一齊搣甩?

其實只要是原裝車漆, 搣膜時是不會搣甩車漆。汽車於車廠生產線上的噴漆工序,使用的電腦機械臂,靜電噴漆,高溫烘乾等等,都不是後期用人手的翻噴漆可比較的水平。一般摵膜會摵甩車漆,都是因為經過翻噴漆時的底層做得唔好,令車漆無法牢固於車體上。另外,如果選用劣質PPF,搣膜時亦有可能會於車漆上留低很多膠水漬難以清除的情況發生。

保護膜睇落都一樣,有咩分別?

除了有分不同的材料生產而成之外,保護膜看似一塊普通膠膜,但為了應付日曬雨淋嘅天氣,保護膜上都有一層或兩層嘅納米塗層。此塗層一般有抗UV,自我修復,提升光澤等功能。不同品牌有不同的塗層配方,有些品牌會修復功能較出色,有些會抗污較好。一般會以抗污為大前提,即使保護膜修復功能如何出色,但不耐用亦是徒勞無功。

電腦裁膜及人手裁膜,如何選擇?

此問題沒有對與錯的答案,這視乎車主的要求及想要的效果。

<